Yasir Ali Mirza

2010-04-19T08:33:00.000-07:00

On April 8, 1980, Ayatullaah Al-'Udhma Sayyid Mohammed Baqir Al-Sadr was executed. His execution aroused no criticism from the West against the Iraqi regime however, because Sadr had openly supported the Ayatollah Khomeini's led revolution in Iran and because the West was distracted by the turbulence in Iran that followed the revolution. Governments both in the West and in the region were concerned that the Iranian revolution would be "exported," and they set about eliminating that threat. When Ayatollah Khomeini called upon Muslims in Iraq to follow the example of the Iranian people and rise up against the corrupt secular Ba'thist socialist regime, they interpreted it as the first step in the spread of Islamic radicalism that would eventually lead to the destablization of the whole region.

The Shi'a religious establishment in the al-Hawza al-Ilmiyya (religious academy) was divided between traditional scholars who advocated indifference or aloofness from politics and activists who advocated involvement. The latter organized themselves into the Jama'at al-Ulama' in Najaf to counter anti-religious trends in society. Muhammad Baqir al-Sadr was at that time a young scholar and was not considered an official member of the Jama'at al-Ulama' which was made up mainly of elders and well-known mujtahids. He was able, however, to exert influence on the group through his father-in-law Shaykh Murtaza Al Yasiyn, who was acting president of the group, and through his older brother, Isma'il al-Sadr, a mujtahid who held a senior position in the Jama'at.

By 1960, Sadr was one of the leading mujtahids in the religious school of Najaf with a distinguished reputation in jurisprudence (fiqh and usul al-fiqh). Sadr's passion for reform was now directed toward the hawza itself. First it was necessary to modernize its curriculum: for the past century and a half, Najaf's hawza had emphasized only fiqh and usul al-fiqh because that was what Najaf was noted for; other Islamic studies were considered minor or unimportant, and the hawza's teachers paid little attention to them. Sadr was also uneasy over the irregular attendance of the students and their neglect of their studies. He felt that students must complete their courses with distinction before they could claim to be religious scholars ('alim) and proposed a new textbook on the grounds that the old ones were not written for students. A textbook, according to Sadr, must take into consideration the student's ability to comprehend the subject only gradually from its basic concepts to its most recent developments. Sadr's plan embraced not only the use of textbooks of the sort used in modern academic institutions, but the establishment of Western-style universities that would hold the student responsible for completing certain courses and passing regular examinations.

Jurisprudence
-Buhuth fi Sharh al- 'Urvah al' Wuthqa (Discourses on the
-Commentary of al- 'Urvah al-Wuthqa), 4 volumes.-
-Al-Ta'liqah 'ala Minhaj al-Salihin (Annotation of Ayatullah
Hakim's Minhaj al-Salihin), 2 volumes.
-Al-Fatawa al-Wazihah (Clear Decrees).
-Mujaz Ahkam al-Hajj (Summarized Rules of Hajj)
-Al-Ta'liqah 'ala Manasik al-Hajj (Annotation of Ayatullah Khui's Hajj Rites).
-Al-Ta'liqah 'ala Salah al-Jumu'ah (Annotation on Friday Prayer)

My abbi's letter to me

2009-03-20T04:02:00.000-07:00

Bismi'Allah ir'Rehman ir'Raheem
Az:Muzaffarpur
31 July,2007
My dear Yasir Sallamahu,
As'salam alaikum.Bad dua-i-khair maloom ho ke humlog bafazl-i-khuda-i-kareem khair-o-aafiyat se hain aur tum azeezon ki khair-o-aafiyat ke liye dua go hain.In dino yahan ka mausam taqreeban do hafte se bilkul sharabor hai.har waqt jhadi si lagi rehti hai.Sara shahar bilkul jal thal ban gaya hai.Apna ilaaqa bhi buri tarah is ki zad mein hai.Isi bina par mehfil(13 Rajab ki) ko bhi 22 Rajab tak ke liye multawi kar dena pada hai.Murshid Sallamahu aaya karte they.Bahut khuloos ke sath dilchaspi le rahe they.Ab inshallah 22 ko yeh mehfil hogi.Barish mein bhi kami aati ja rahi hai.
Tumhara telephone jo aa jaya karta hai to bada sukoon milta hai.MassCom.mein dakhila mil janey ke imkan ki khabar ko sunkar intehayi khushi hui.Khuda ki inayat se yeh to badi achchhi khabar haiLekin apni Ammi ke sath phone par jo tumhari baatein hui hain is se andaza hota hai ki tum kuchh kuchh pus-o-pesh mein lagte ho aur kuchh hichkichahat si maloom hoti hai.Lekin bhayi! yeh to ain tumhare zauq aur ruj'haan ke mutabiq hai.Tumhein to iske sath ek zehni lagao aur hum-aahangi rahi hai.Is subject ki aala taleem aur woh bi ek badi university mein tumhare zauq ko aur bhi ta'abdar kar degi.Aaj ke is jadeed daur ki barq raftar tarz-i-zindagi mein iski to badi ahmiyat aur jazabiyat hai.Tumhari posheeda salahiyaton ko is se jila milegi aur inshallah tum zaroor ek munfarid a'ala muqaam bana sakoge.Tumhare career ke build-up mein is se badi madad milegi.Inshallah!Maulana Shabib Sahab se bhi phone par batein hoti hain.Woh bhi bahut khush hain.Bahut duyaein de rahe they aur unka bhi yahi khayal hai.Waise tum khud zaheen ho.Khoob soch samajh kar,oonch-neech ko janch padtal kar ke thande dil se ghaur karo aur ek faisla apnao.Aql-i-saleem khud hi rehbari karti hai.Waise to parhne likhne ke liye,mutalaye aur ilm mein izafey ke liye poori ki poori umr bhi nakaafi hoti hai.Waise to khuda-i-zuljalal bahar haal tumhari madad karega.
Humlogon ki rozana ki zindagi mamool ke mutabiq rehti hai.Pursukoon aur khush'hal sab kaam husn-o-khoobi se ho jata hai.Annu Miyan aksar aa jaya karte hain.Akhbarwala akhbar de jaya karta hai
Baqiya sab khairiyat hai.Ammi duyaein keh rahi haina.Apne doston aur sathiyon ko duyaein keh dena.Khusoosan Muslim Miyan,Misam Sallamahu,Abis Sallamahu aur Danish Sallamahu ko.Ab mein chalta hoon.
Faqat dua go
Abbi
31-07-2007

A LETTER OF A FATHER TO HIS SON

2008-11-22T02:54:00.000-08:00

Bismehi T'ala
07th September,2006
MUZAFFARPUR

Azeez az jaan Misam sallamahu t'ala,

As'salam Alaikum! bad dua'e tarraqqi-i-hayat-o- daraja'at maloom ho ke ba'fazl-i-khuda humlog ba'khair-o- aafiyat hain sab kuchh theek thak chal raha hai.Rozana ki zindagi hasb-i-mamool apni raftar se chalti rehti hai.Al'batta tumhari ghair maujoodgi behad geraan guzarti hai.Bahut kami mehsoos hoti hai.Tumhari Ammi ko har lamha tumhari yadein aur tumhara khayal aata rehta hai.Yasir Miyan Sallamahu bhi akele-akele rehte hain, kuchh badlay-badlay se dikhayi dete hain.Muslim Miyam bhi to ab yahan nahi hain isliye tanhayi aur bhi khalti hai.Qareeb-qareeb Muslim(My childhood friend, at that time he was in IIMC,New Delhi,and presently in Hindustan Times) ka phone rozana aata hai.Abhi isi saneechar ko(2nd September,2006) Dilli (Delhi) Doordarshan par "GEN-NEXT" ka jo programme 'Rajiv Remembering' ke unwaan se telecast hua tha.Uske shorka(attendants) mein Muslim Miyan bhi thay.Un'hone pehle se programme ki it'tela de di thi.Humlogon ne yeh programme dekha tha, bahut achha laga.Electronic Media mein ghaleban unka yeh pehla-pehla 'exposure' tha.12 Rajab ki mehfil bhi bahut hi kamyab rahi.tumhari ghair-maujoodgi be-had khal rahi thi.Intezamat ke silsile mein bar bar tum yaad aa rahe thay.Saamayeen hazraat mein se bhi mutaddid sahebo ne poochha.Kafi achha aur bada majma tha.Maulana Shabib Saheb in dino dilli mein thay.Isliye jab shoara hazraat padhh chuke to Assad Yawar Saheb ne ek mukhtasar magar badi achhi taqreer ki.

Aaj 07 September(07th september) hai.Tumhein yahan se gaye hue dedh(1&1/2) maheenay hone ja rahe hain.Itne lambe dino tak is se pehle kabhi alag-alag rehna nahi pada tha.Tum kaise ho?Dil lag raha hai na?Shuru-shuru mein to dil zaroor ghabrata hoga.Magar jaise jaise din guzarte gaye honge maahaul se hum-aahangi, sathi tol'aba aur shanasaon se qurbat badhti jati hogi , to khud khud ba'khud woh beganapan, doori aur ajnabiyat ka ehsaas kamzor padta hua mehsoos hota hoga aur tumne in tabdeel shuda halaat ke sath mafahemat kar li hogi.Is se parey ek khush khabari ki baat yeh hai ke tum Aligarh (Muslim University) ke tol'aba mein shamil ho gaye.Aligarh ka ilmi maahaul,uska shandar tradition,Hindustan ke muslim ma'ashre par uske hamageer asaraat,ummat-i- muslema' ke nishat-i-saaniya(rannaisance), uska kaleedi kirdar (key role).In sab ne mil kar Aligarh ko jo ek image diya hai woh ek apne aap ko wabasta pana ba'jaye khud ek fakhr ki baat hai.Mujhe yaqeen hai ki is se puri tarah faiz-i-yaab hoge.Khoob mehnat aur lagan ke saath kaam loge.Apne target ko kabhi bhi ojhal na hone doge.Apni hausla-mandi aur khuda-i-zul jalal ki zaat par bharosa rakhoge.Ek baat aur ...Jinnah Sahab(Mohammad Ali Jinnah) ke un ta'assuraat ko zehen mein rakhoge jiska izhar unhone apne career ke shuru'aat ke liye apne shahar ko khairabad kehte waqt kiya tha:
"I set out to conquer the world equipped with nothing but youth,faith,courage and ambition !"
Azeezam sallamahu! meri dua hai ke khuda wand-i-alam ba'tufail-i-Muhammad wa'Aley Muhammad Alaihimus'salam tumhare iradon mein, azm-o-istiqlal mein,karzar-i-hayat ki sargarmiyon mein kamyab-o-faiz-i-yaab kare aur tum apne aap ke liye, apne waladain ke liye, qaum-o-millat ke liye, deen-o-mazhab ki khidmat ke liye ek geraan qadr sarmaya ban jao.Aameen,summa aameen !!
Mein achha hoon.Tabiyat theek hi rehti hai.Rozana ka maamool ba'dastoor wahi rehta hai.Guzishta hafte Yasir sallamahu ke humrah Dr.Dubey ke yahan gaya tha.Aaj chhata(6th) din hai.Dawayein chal rahi hain.Kuchh-kuchh afaqa sa lagta hai.Khuda ki zaat se ummeed hai zaroor fayeda pahunchegaInshallah! Tumhari Ammijan ko tumhari fikr lagi rehti hai.Zahir hai unke paas maan ka dil hai.Kaisa khana khate honge..........kapdo ki dhulayi kaise hoti hogi..........itni shiddat ki garmi pad rahi hai........dhoop mein kahan kahan jana hota hoga..........
Mein apne khat ko abhi yaheen tak likh chuka tha ki isi dauraan Yasir Miyan ne aakar Sa'eed sallamahu ke hathon bheja hua tumhara dasti khat la kar diya.Fauri taur par badi musarrat hui.Khat ko padha to dil aur bhi khush ho gaya.Thodi si tafseel se agahi ho gayi .Khushi aur itminaan ki baat hai ke tum rafta-rafta kar ke badalte hue maahaul ke sath hum-ahang hote gaye ho.Apne logon se doori to khatakti hi hai aur khatakti hi rahegi.Yeh taqaza-i-fitrat hai.Magar inhi halaat ke sath compromise karke insan qadam aagay badhata hai.Zindagi ek challenge hai aur inhi ke sath fatehana andaaz se panja-aazmayi karna hauslamand insano ka turra-i-imtiyaz hai.Tumhare khat ko padh kar bada achha laga.Jee chahne laga ismein abhi kuchh aur bhi likha hota.Hum sabo ne ek sath is khat ko padha.Chhotay Miyan rozana aate hain.Tumhein poochha karte hain.Annu kabhi-kabhi aa jate hain.Uske manjhle bhai ka rishta Berhampura ke Abrar Jafari Sahab ki sahabzadi ke sath tay pa gaya hai.Isi 04 September(2006) ko mangni ki rasam ho gayi.Tumhari Ammi aur Yasir gaye thay.Ek khushi ki baat hai ke tumhara passport wala kaam ho gaya hai.Zeeshan sallamahu ki shadi ho gayi.Da'awat-i-walima mein humlog 10 september ko patna ja rahe hain.Tum apne khane-peenay ka khayal rakha karoge.Horlicks aur Chyawanprash waghairah ka istema'al rakhoge.Dekho kotahi nahi karna.Achha ab rukhsat hota hoon.Abis sallamahu ke yahan humlogon ki taraf se sab ko poochh lena.Duayein pahuncha dena.Jin dosto ka apne khat mein tumne naam liya hai unse ek tarah ka dhundhla sa ghayebana ta'aruf sa lagta hai.Meri taraf se unhein nek khwaheshat aur duayein pahucha dena.Ibnul Hassan ko tumhari taraf se poochh liya gaya hai.Hum sab logo ki duayein tumhare sath hain.Jawab zaroor dena.Apna khayal rakhna.Khuda Hafiz.
Faqat
Abbi
(Mirza Abid Hussein)

2008-11-21T06:21:00.000-08:00

This is Yasir Ali Mirza,doing M.A. in Journalism & Mass Communication from Aligarh Muslm University,Aligarh,India.

Regards

yasiralimirza@gmail.com